Mazlûm Ebdî Pîrmam de Serekê PDK’yî Mesûd Barzanî reyde kom bî. Kombîyayîşî de rewşa sîyasîye ya Sûrîye û herêmî û averşîyayîşê demanê peyênan ameyî munaqeşekerdene.
Şêwirmendê Serkomarîya Sûrîye Mazlûm Ebdî seba ke beşdarê Enstîtuyê Cigêrayîşan ê Rojhelatê Mîyanênî (MERI) bibo, şîbî Hewlêr. Uca Pîrmam de Serekê Partîya Demokrate ya Kurdîstanî (PDK) Mesûd Barzanî reyde kom bî.
Goreyê îzahatê Ofîsê Barzanî, kombîyayîşî de averşîyayîşê sîyasîyê peyênî yê Sûrîye û herêmî û rewşa emnîyetî ameyî munaqeşekerdene.
Kombîyayîşî de cigêrayîşê çareserîye yê Sûrîye û heqê kurdan ê Qanûnê Bingeyinî de zî ameyî qiseykerdene. Derheqê kombîyayîşî de nê melumatî ameyî dayene: “Kombîyayîşî de rewşa sîyasîye ya Sûrîye û herêmî û averşîyayîşê demanê peyênan ameyî munaqeşekerdene. Sewbîna ameyoxê kurdan ê Sûrîye, rayîrşîyayîşê prosesê dîyalogî, çareserkerdişê probleman ê bi rayîrê aştîyane û xebatê dîplomatîkî yê seba aramîya welatî ameyî nirxnayene.”
