Serekê YNK’yî Bafil Talabanîyî Forumê MERI’yî de qisey kerd û dîyar kerd ke Îranî reyde zî prosesêkê aştîye sey yê Tirkîya dest pêkerdo.
Serekê YNK’yî Bafil Talabanîyî Forumê MERI’yî yê 2026î de qisey kerd. Forum her serre bi tradîsyonî hetê Enstîtuyê Cigêrayîşan ê Rojhilatê Mîyanênî (MERI) ra yeno organîzekerdiş û sey yewê zîrweyanê dîplomasî yê tewr muhîman ê herême yeno hesibnayene. Goreyê xebera Channel 8î, Bafil Talabanîyî dîyar kerd ke kurdî û Îran destpêkê prosesêkê aştî û pêkerdişî de yê ke sey yê Tirkîya yo.
Bafil Talabanîyî qiseykerdişê xo de bale ante muhîmîya nê dewrî ser o û vat ke kurdî rojanê verênan ê prosesî de yê.
