Arîf Guranî seba keyna xo Narîn Guran a ke dewa Çûlîye ya girêdayeya qezaya Rezana Amedî de amebî kiştene, Amedî ra ver bi Anqara “Rayraşîyayîşê Edaletî” da dest pêkerdene.
Piyê Narîn Gurane, Arîf Guran o ke 21ê tebaxa 2024î de dewa Çûlîye ya girêdayeya qezaya Rezana Amedî de bîbî vîndî û dima vîndîbîyayîşê aye yê 19 rojan yanî 8ê êlule de cenazaya aye Çemê Egertûtmazî yê kîlometreyêk û nêm dewe ra dûrî de ameye vînayene.
Arîf Guranî seba roşnkerdişê hedîse Amedî ra ver bi Anqara “Rayraşîyayîşê Edaletî” da dest pêkerdene. Verê rayraşîyayîşî avûkatê keyeyê Guranî Onûr Akdagî qisey kerd. Onûr Akdagî behsê prosesê muhakemekerdişî kerd û dîyar kerd ke qerarê ke Mehkemaya Herêmî, Mehkemaya Îstînafî û Mehkemaya Berze bi zextî daye, komel memnun nêkerdo û qerar bilez ameyo dayene.
Onûr Akdagî îfade kerd ke Arîf Guranî zî vera na rewşe qerardayîşê “Rayraşîyayîşê Edaletî” dayo û dîyar kerd ke amancê bingeyên ê rayraşîyayîşê Arîf Guranî no yo ke vengê xo biresno Serekkomar Recep Tayyîp Erdoganî. Onûr Akdagî wina vat: “Seba naye ma têkoşînê edaletî danê destpêkerdene.” Arîf Guranî zî bale ante têkoşînê xo yê edaletî yê 2 serran ser û vat: “Ma veng danê merdimanê wayîrê wîjdanî. Tekane sebebê nê rayraşîyayîşê mi, seba heqanê keynaya min o, seba raştîye yo.” Arîf Guranî dîyar kerd ke ê newe ra muhakemekerdiş wazenê. Dima eşkerayîya Arîf Guranî Amed ra ver bi Anqara dest bi rayraşîyayîş kerd.
