Hewteyo 5. ê Super Lîgê Trendyolî de Amedsporî vernîya hetgiranê xo de Başakşehîr bi 5-0 mexlûb kerd û bi 10 puanan vejîya rêza 3.
Hewteyo 5. yê Super Lîgê Trendyolî de Amedspor û Başakşehîr ameyî hemverê yewbînan; maço ke Stadyûmê Amedî de ame kaykerdene, bi skorê 5-0 Amedsporî ser kewt.
Nêmeyo verên ê maçî bi hewayêko seypê vîyart; 45+1. deqa de bi gola ke kaykerdoxê Başakşehîrî Emîn Bayramî eşte kaleya xo, Amedspor 1-0 vernî de kewt nêmdewre. Nêmeyê dîyinî de golkaro nîjeryayij Gift Orban vejîya vernî: Orbanî bi golanê deqayanê 52, 56 û 75. de hat-trick kerd; gola bîne deqa 84. de Mbaye Diagneyî eşte.
Bi nê netîceyî Amedsporî puanê xo kerd 10 û vejîya rêza 3.; Başakşehîr 4 puanan de mend. Amedsporî bi nê serkewtişî keyeyê xo de 3 maçan de hemînî qezenc kerdî. Hewtêna Super Lîg de Amedspor Beşîktaşî keyeyê xo de keno mêman.
Golî: 45+1′ Emîn Bayram (k.x.), 52′ Gift Orban, 56′ Gift Orban, 75′ Gift Orban, 84′ Mbaye Diagne
