Badê averşîyayîş û hedîseyê ke Kobanî de qewimîyayî, ame dîyarkerdene ke Şêwirmendê Serekkomarîya Sûrîye Mazlûm Ebdî şono Kobanî.
Badê kiştişê endamê Tugaya Hesekê Sîpan Hiznî, pêroyî Rojavayê Kurdîstanî de welatijî vejîyayî meydan û seba vînayîşê kiştoxanê Sîpan Hiznî çalakî viraştî. La şewa bîne, çalakîya ke Kobanî de ware ameya de, hêzê leşkerî yê girêdayeyê Hukmatê Demkî yê Sûrîya kewtî mîyanê şaristanî û 83 hemwelatî destbend kerdî. Wexto ke hêzê girêdayeyê hukmatî waşt kesê destbendkerdeyan berê şaristanê Helebî, hemwelatîyê ke ameybî destbendkerdene zîndan de dest bi çalakîye kerd. Welatijê ke ameybî destbendkerdene Zîndanê Kobanî de şewat vet û netîceya vetişê şewatî de 9 ciwanan cuya xo vîndî kerde û 17 hemwelatijî zî birîndar bîyî.
Goreyê agahîyan badê averşîyayîş û hedîseyê ke Kobanî de qewimîyayî, ame dîyarkerdene ke Şêwirmendê Serekkomarîya Sûrîye Mazlûm Ebdî şono Kobanî. Mazlûm Ebdî do derheqê hedîseyî de bi sazgehanê têkîldar rê pêvînayîş bikero.
