Bi wesîleya nêzdîbîyayîşê serrgêra 4. ya serewedaritişê ‘Cinî, Cuye, Azadîye’ rê, xeylî rêxistin û sazgehê heqê cinîyan û merdiman bi eşkerayîyêka hempare dîyar kerd ke têgêrayîşî, tabûyê ke bi serrano yenê caardene şikitî û muhîmîya pêgirewtişê cinîyan îspat kerd.
Bi wesîleya nêzdîbîyayîşê serrgêra 4. ya serewedaritişê şorişgerî yê ‘Cinî, Cuye, Azadî’ rê, hûmarêka rêxistine û sazgahê heqê cinî û merdiman eşkerayîyêke weşana. Kesanê ke eşkerayîye îmza kerd, serewedaritişê ‘Cinî, Cuye, Azadîye’ sey têgêrayîşêko vurnayîşê averşîyayîşanê sîyasî û komelkî hesibna û dîyar kerd ke no serewedaritişê şorişgerî eşkayo babetanê sey azadîye, rûmetê merdiman û heqê cinîyan bikero beşêko muhîm ê waştişanê komelkî.
Sewbîna eşkerayîye de ame dîyarkerdene ke vurnayîşê hişmendîya komelkî tabûyê serran ê cinîyan û grûbanê marjînalîzekerdene persayê û wina ame dewamkerdene: “Dîyar dayo ke vurnayîşêko domdar, dadmend û demokratîk, bênaskerdena heqê cinîyan û têkoşînê vera cîyakerdişî, mumkin nîyê.”
Rêxistinê îmzekerdexon dîyar kerd ke awankerdena pêgirewtişê mîyanê cinîyanê ke bingeyanê etnîkî û şaranê cîyayan de, serkewtişanê tewr muhîm ê serewedaritişê ‘Cinî, Cuye, Azadîye’ ya.
Sewbîna eşkerayîye de behsê çar serranê ke destpêkê nê serewedaritişo şorişgerî ra derbaz bîyî yenê kerdene ke ‘Cinî, Cuye, Azadîye’ sembolê pêgirewtişî, cesaret û hişmendîya komelkî mendo û grûbanê cîyayan keno yew.
Îmzekerdoxan, sewbîna kombînasyonê “Porê ke bi pelanê dara mazêre ame mûnitene” sey sembolêko hempar ê qonaxa nika yê têkoşînê xo eşkera kerd.
Rêxistin û têgêrayîşê ke eşkerayîye îmza kerd
Eşkerayîya ke bi sloganê ‘Cinî, Cuye, Azadîye’ ame eşkerakerdene, hetê xeylî rêxistin û grûbanê heqê cinî û merdiman ra ame îmzakerdene.
Mîyanê îmzekerdoxan de nê sazgehî est ê: “Komeleya Cinîyanê Azade ya Kurdîstanê (KJAR), Platformê Cinîyanê Demokratîk ê Mîyanneteweyîye, Rêxistinê Şivar ê Belûcîstanî, Akademîya Jîna, Meclîsê Partîya Cuya Azade ya Kurdîstanî (PJAK), RêxistinÊ Hetkarîya Cinîyanê Kurdan, Fraksîyona Cinîyan ê Kongreya Azadîye, Konseyê Şorişger ê Cinîyan, Torê Azadîye, Enstîtûya Roîsh, Kolektîfê Azadîya Genes Life ê Îtalyayî, Komîteyê Cinîyan ê Partîya Demokratê Xiristîyan ê Îranî, Kolektîfê Hemkarîye yê Kolnî, rêxistinÊ ‘Tabûye rê Nê, Tedaya Vera Cinîyan rê Nê’, kampanyaya ‘Dardekerdişî rê Nê, Cuya Azade rê Eya’.”
