Derheqê Serekê Gelecek Partîya ke xo betal kerdibî, Ahmet Davutoglu de, bi maneya ‘ Serekkomarî rê heqaret kerdo’ tehqîqat ame destpêkerdene.
Ahmet Davutogulu, kombîyayîşêk ke mîyanê şarî de sîyasetê AKP’yî û Serekkomarê AKP’yî Tayyîp Erdoganî rexne kerd. Ahmet Davutoglu reaksîyonî vera dewlemendbîyayîşê rayedaranê AKP’yî û Serekkomarî ser o mojna û wina vat: “Mîlyarî mîlyaranê xo ser o zêde kerd. Werdê heramî werd, derdorê xo dewlemend kerd. Zamayê xo kerd wezîr, merdimê xo dewlemend kerdê. Tirkîya pêşkeşê 5 mutahîdan kerd.”
Serdozgerîya Komarê ya Anqara derheqê Ahmet Davutoglu de, semedê erjnayîşanê ke kerdê ra, bi maneya ‘Serekkomarî rê heqaret kerdo’ tehqîqat da destpêkerdene.
Derheqê Ahmet Davutoglu de
Ahmet Davutoglu mabenê serranê 2003 û 2009î de şêwirmendîya polîtîkayanê teberî yê Recep Tayyîp û Abdullah Gulî kerd, mabê serranê 2009 û 2014î de Wezîrîya Karanê Teberî rayra berd. Sewbîna Ahmet Davutoglu 29ê tebaxa 2014î de sey serekê pêroyî yê dîyin yê AKP’yî ame weçînitene û sey serekwezîr hukmatê 62. û 63. awan kerd. Tewr peyên 22yê gulana 2019î de wezîfeyê xo ra îstîfa kerd û Partîya Gelecekî awan kerd. Ahmet Davutoglu 22yê tebaxe de eşkera kerd ke înan xebatê Gelecekî Partî qedênayî û partî betal kerd.
