Karkerê înşaatî Suleyman Konat o ke Bayburt de formaya Amedsporî xo ra dayebî, birazeyê xo reyde raştê herîşêko nîjadperest ame.
Nîjadperestîya ke bi polîtîkayanê dem dergan Tirkîya de ameya awankerdene û domnayene, hema zî hêrişanê nîjadperestan de xo ramojnena. Karkerê înşaatî Suleyman Konatî 30ê tebaxe de, wexto ke Bayburt de xebitîyêne û formaya Amedsporî xo ra daybî, raştê hêrişê 15 kesan ame. Badê hêrişî ame dîyarkerdene ke zincê Suleyman Konatî de 5 şikiteyê cîyayî ameyê tespîtkerdene.
Ame îfadekerdene ke kesanê hêrişkaran vatişê ‘Tîya Bayburt o, do tîya kurdan rê bibo goristan’ kerdî. Suleyman Konatî, badê hêrişî gerre kerd û dîyar kerd ke hêrişkarî badê destbendkerdişî, ameyê veradayene. Suleyman Konatî dîyar kerd ke prosesê berdişê îfadeya hêrişkaran de, vatişî ‘Nê camêrdê ma yê, înan veradê’ eşnawito.
