Sîyasetmedaro Kurd Mehdî Zana badê merasimê verê şaredarî bi vilikan û duayan Mezelanê Yenîkoyî de ame definkerdene.
Sîyasetmedaro Kurd û şaredarê verên ê Amedî Mehdî Zana yo ke nêweşiya KOAHî ra wextêk bi nexweşxaneyêko taybet yê Amedî de ameyene dermankerdiş, vizêr şande wefat kerd.
Ewro seba Mehdî Zana verê bînaya Şaredarîya Şaristanê Girdî ya Amedî de merasimê cenaza ame viraştene. Merasimî ra dima girse ver bi Camîyê Girdî rayîrşî û badê wecîbeyanê dînî cenazaya Mehdî Zana Goristanê Yenîkoyî de ameya definkerdene. Xeylê sîyasetkar, roşnvîr, endam û temsîlkarê dezgehanê sîvîlan û zaf kesê ke tewrê merasimî bîbî mezelê ey ser o vilikî ronayê.
Sewbîna Keyeyê Tazîyeyî yê Lîceyîjan de do serweşîyî bêrê qebulkerdene.
