Sîyasetmedaro Kurd Mehdî Zana, vizêrî neweşxaneyêko tede ameyene dermankerdene de cuya xo ra bî. Cenazaya Mehdî Zana ewro do Mezelanê Yenîkoy de bêro definkerdene.
Sîyasetmedaro Kurd û şaredarê verê yê Amedî Mehdî Zana, semedê nêweşîya KOAH’e Amed de berdbî neweşxaneyêko taybet û beşê ewnîyayîşê bilezî de ameyene dermankerdiş. Mehdî Zana vizêrî cuya xo ra bî.
Seba Mehdî Zana do ewro saete 11:00 de verê awanîya Şaredarîya Şaristanê Girdî ya Amedî de merasimê cenaza bêro viraştene. Badê merasimê cenaza saete 13:00 de do berê Camîyê Girdî, cenazaya Mehdî Zana badê wecibeyê dînî do Goristanê Yenîkoyî de bêro definkerdiş.
Badê defnî Keyeyê Tazîyeyî yê Licêyîjan de do serweşîyî bêrê qebulkerdiş.
