Şînê şehîdanê Têgêrayîşê Azadîya Kurdîstanê ke ca û tarîxanê cîyayan de cuya xo ra bîyî, roja hîrêyine de bi girseyî dest pêkerd.
Wan de seba şehîdanê Têgêrayîşê Azadîya Kurdîstanî ke ca û tarîxanê cîyayan de cuya xo ra bîyî, bi pêşengîya MEBYA-DERî de şîn ame ronayene. Roja hîrêyine û peyêne ya şînî bi sloganê “Şehîdî Nêmirenê” dest pêkerd.
Do ewro saete 11: 00 de seba şehîdan mewlid bêro wendene û saete 14:00 de programê vîrardişî bêro viraştene. Ame zanayene ke do sînevîzyono ke seba cangorîyan ameyo amade kerdene, bêro mojnayene.
Zîyaretê şînî bi girseyî dewam kenê.
