Sekreterê pêroyî yê Neteweyanê Yewbîyayeyan Antonio Guterres seba pêvînayîşan Şam de yo.
Wezîrê Karanê Teberî yê Hukmatê Demkî ya Sûrîya Asaad El Şeybanî Teyaragehê Mîyanneteweyî yê Şamî de pêşwazîyê Sekreterê Pêroyî yê Neteweyanê Yewbîyayeyan Antonio Guterres û heyetê ey kerd.
Antonio Guterres Serekê Hukmatê Demkî Ehmed El Şara û Wezîrê Karanê Teberî û tayê rayedaranê Hukmatê Demkî û temsîlkaranê komelê sivilî reyde bêro têhet û serê averşîyayîşê qonaxê viyartişî û metodê paştîdayene ke newe ra ronayîşê sazgehanê dewlete de munaqeşeyan bikero.
Yeno pawene ke serdayîşê Antonio Guterresî do çende rojî dewam bikero, la NY’yî hîna programê xo yê pêroyî eşkera nêkerdo.
Serdayîşo peyên ê sekreterê pêroyî yê NY’yî seba Sûrîya Guterresî ra ver, hetê Ban Kî-moon ra serra 2009 de ame bî kerdene.
