Ozgur Ozelo ke bi qerarê “Betalkerdişê Teqez” Serekîya Pêroyî ya CHP’yî ra amebi dûrvistişe, eşkera kerdbi ke ê do partîyêka newîye ronê.
90 parlamenterê ke paştî danê Ozgur Ozelî CHP ra îstîfa kerd û do tewrê partîya newîye bibê. Ozgur Ozelo ke bi qerarê “Betalkerdişê Teqez” wezîfeyê Serekîya Pêroyî ya CHP’yî ra amebi dûrvistiş û cayê ey de reyna Kemal Kiliçdaroglu sey Serekê Pêroyî yê CHP’yî ame wezîfedarkerdene.
Ozgur Ozelo ke kombîyayîşê gruba CHP’yî yê meclîsî de qiseykerdişê xo de, dîyar kerdbi ke ê do partîyêka newîye ronê û CHP ra abirîyê.
No qerar ra dima xebata seba partîya newîye dewam kerd. CHP ra 90 parlamenterê ke paştî danê Ozgur Ozelî îstîfa kerd û do tewrê partîya newîye bibê.
Muracaatê partîya newîye do bêro kerdiş, name û logoyê partîya newîye ya Ozgur Ozelî heta nika raya pêroyî reyde nêameyê eşkerekerdiş. Labelê partîya newîye prosesê îmza yê Heyetê Ronayoxan temam kerd û yeno pawitiş ke seba partîya newîye ewro muracaatê Wezaretê Karanê Zereyî bêro kerdiş. Ozgur Ozelî reyde 90 parlamenteran ewro CHP’yî ra îstîfa kerd û do badê nimajê îne Heyetê Ronayoxan ê partîya newîye bêro pêser. Ame zanayene ke do parlamenterî Gul Çîftçî û Murat Emîr seba partîya newîye muracaatê Wezaretê Karanê Zereyî bikerê.
