Hêzanê Îranî herêma Kirmanşan de kolberêk bi nameyê Soheyl Fîrdewsî qetil kerd.
Ame eşkerakerdiş ke Soheyl Fîrdewsî (18) ke şarê dewa Dezawer ê qezaya şaristanê Kirmanşanî ra bi, netîceyê gulebaranê hezanê rejîmê Îranî de cuya xo ra bi.
Goreyê agahîyanê Kolbernewsî hêzanê Îranî bê ke hişyarî bidê kolberî gulebaran kerdê. Neticeyê nê gulebaranî de Suheyl Fîrdewsî ame kiştene.
Sewbîna ame eşkerakerdene ke cenazaya Soheyl Fîrdewsî berda Tibê Edlî yê qezaya Pawe.
Goreyê tayê çimeyan par netîceyê hêrişanê hêzanê Îranî de 57 kolberî ameyê kiştene û xeylê kolberî zî ameyê birîndarkerdiş.
