Têgêrayîşê Kultur û Hunero Demokratîk ê Mezopotamya Hozan Serhad bi eşkerayîyêka nuştekî yad kerd û vat: “Hozan Serhadî bawer kerdêne ke huner tena wexto ke erjê azadî û rûmetî reyde bo temam beno.”
Têgêrayîşê Kultur û Hunero Demokratîk ê Mezopotamya bi munasebetê 27. serrgêra şehadetê Hozan Serhad, eşkerayîyêka nuştekî da.TEV-ÇAND eşkerayîya xo de dîyar kerd ke Hozan Serhad vengê ravurna mesajê azadî û wina vat: “Huner kerd çekê ke seba pawitişê nasname û kulturê şarê xo. Hozan Serhad tena deyîrbaz nêbî; o merdimêko bi preensîb bî, mîrasê kurdkî zerrîya xo de girewt û seba welat, ziwan û merdimîye deyîrî vatêne, da qebulkerdene ke berhemê ey beşêke yewbîyayîşê yê vîrê kulturî yê şarê ma yo.”
‘Huner bi erjê azadî û rûmetî temam beno’
Dewamê eşkerayîya TEV-ÇAND’yî bale ante serê nêzdîbîyayîşê hunerê yê Hozan Serhad û derheqê babete de wina dewan kerd: “Hozan Serhad bawer kerdêne ke huner tena wexto ke bi erjê azadî û rûmetî ro yewbînî bikero temam beno. Naye ra vengê ey her ca de esto, mabênê koyan û deştan de û zerrîya heme kesê ke kultur sey bingeyê estbîyayîşî şar û raya înan a seba ciwîyayîşî vînenê veng dano.”
‘Melodî û vateyê ey do sey çila bimanê’
TEV-ÇAND’yî eşkerayî de da zanayene ke kesê cuya xo seba averberdişê hunerî de derbas kenê û benê bêmerg do çirey xo vîr ra nêkerê û wina vat: “Melodî û vateyê înan do sey çila bimanê, neslan bi erjê xoverdayîşî rê bibê îlham, bi raya înan, ey do raywanîya aferînerîya azade bidomnê. Seba Hozan Serhad yadkerdiş tena nameyê ey nîyo, la eynî wextî de pawitişê kulturê kurdî, averberdişê hunero azad, pawitişê ziwan û mîrasî yo, domdarîya mesajêke ey heta şehadet girewtbî serê milê xo.”
