Rojnameger Muslum Koyun o ke 3ê sibate de amebi destbendkerdiş û girewtiş, roniştişo dîyin ê mehkema de ame veradayîş.
Polîsan 3yê sibate de vera Partîya Sosyalîst a Bindestan (ESP), Meclîsê Cinîyan ê Sosyalîstan (SKM), Federasyonê Komeleyanê Ciwanan ê Sosyalîstan (SGDF), DÎSK/LÎMÎTER-ÎŞ, Polen Ekolojî û BEKSAV’î operasyonê qirkerdişê sîyasî viraşt. Operasyonî de Hemserekê ESP’yî Murat Çepnî, endamê Federasyonê Komeleyanê Ciwanan ê Sosyalîstan (SGDF) û rojnameger Pinar Gayip, Elif Bayburt, Nadîye Gurbuz û Muslum Koyun zî tede zaf kesî ameybî destbendkerdiş û girewtiş.
Roniştişo diyîn ê dewaya Muslum Koyunî yê Edlîyeya Stenbolî ya Çaglayanî de, Mehkemaya Cezayanêê Giranan a 22. de ame kerdiş. Endam û îdarekarê ESP, SGDF, partîyanê sîyasîyan û zaf kesî wextê mehkeme de edlîye de kom bîyê.
Heyetê mehkema derheqê Muslum Koyunî de qerarê veradayîşî da.
