Îranî eşkera kerd ke dimayê hêrîşanê hewayî yê peyên ê DYA, înan bi dronan hêrişê hedefanê leşkerî yê Amerîka yê Urdun, Kuweyt û Bahreynî kerdo.
Televîzyonê ke girêdayî Rejîmê Îranî yê eşkera kerd ke înan sey cewabê hêrîşanê peyênan ê Dewletanê Yewbîyayeyan ê Amerîka (DYA), bi dronan hêrîşê hedefanê leşkerî yê Amerîka yê Urdun, Kuweyt û Bahreynî kerdo.
Goreyê xeberan; Kuweyt de sîstemê radarî yê Qerargehê Hewayî yê Alî el-Salemî, sîstemê pawitişê hewayî yê Patrîotî û depoyê sotemenî, Qerargehê Hewayî yê Şêx Îsayî yê Bahreynî de zî merkezê leşkerî yê DYA ameyî hedefgirewtiş. Îranî dîyar kerd ke înan dayo nuqtayanê leşkerî yê Amerîka yê Urdunî ro zî.
Artêşê Urdunî eşkera kerd ke 8 fuzeyê ke hetê Îranî ra ameybî eştiş, hetê sîstemê pawitişê hewayî ra ameyî bêtesîrkerdiş û nê hedîseyî de tu zerar nêresayo tu kesî.
DYA roja çarşeme zî hêrîşê qerargehêkê leşkerî yê nêzdîyê şaristanê Îranşahrî yê başûr rojhelatê Îranî kerd. Artêşê Îranî dîyar kerd ke nê hêrîşî de 13 fuzeyî ameyê xebitnayîş û dima ra 7 eskerî ameyê kiştiş.
Pakîstan ra vengdayîşê muzakereyan
Vera zêdebîyayîşê nê şerê herêmî de, fikarî pîl benî. Wezaretê Karanê Teberî yê Pakîstanî veng da terefan ke şîdetî bivindarnê û reyna agêrê muzakereyan ser.
