Dibistanê Sporî yê Hamnanî ke Şaredarîya Amedî ya Şaristanê Girdî seba gedeyanê mabênê 7-17 serreyan bêpere organîze kerd, dest pêkerd.
Bernameyo ke perwerdeyanê ci 1ê temmuze de dest pêkerd, 8 hezar û 377 gedeyî beşdarê falîyetanê sporî û perwerdeyî yê bêpereyan benê.
Bername, do heta 4ê êlule dewam bikero
Çarçewaya Dibistananê Sporî yê Hamnanî de gedeyî; 15 branşanê cîya-cîyayan de, futbolê cinî û camêrdan, basketbol, voleybol, asnawe, atletîzm, tenîs, tenîsê masa, tekwondo, kişike, kayê şarî, hentbol, kodkerdişo robotîk, kayê aqil û zekayî û cimnastîkî de, perwerdeyo bêpere gênê.
Şaredarîya Amedî, pê bernameyî amanc kena ke piştî bido ke gedeyî aşmanê hamnanî bi hawayêko biemnîyet, biweşî û berhemdar bivîyarnê û seba resnayîşê sporkaranê ameyoxî amadeyî bikero.
