Şaredarîya Amedî ya Şaristanê Girdî û şaredarîya Peyasî muxtaranê dewan û taxanê Peyasî reyde kom bîyî û problemê taxan û dewan goşdarî kerdê.
Mudırîyetê Çapemenî, Weşan û Têkîlîya Şarî reyde yê Şaredarîya Peyasî bi hemkarîya Serekîya Dayîreyê Çapemenî, Weşan û Têkîlîya Şarî reyde yê Şaredayîya Amedî ya Şaristanê Girdî, bi amancê vilakerdişê ferasetê rayberîya herêmî, kombîyayîşanê xo yê muxtaranê dewan û taxan reyde domnenê. Bi beşdarîya Hemşaredaranê Amedî Serra Bucak û Dogan Hatun û Hemşaredara Peyasî Bêrîvan Gulşen Sîncar, salonê konferansi yê Şaredarîya Peyasî de kombîyayîş ame viraştene. Kombîyayîşî de endamê meclîsê şaredarî, serekê dayîreyan ê Şaredarîya Amedî ya Şaristanê Girdî û xeylî muxtarî hedre bîyî.
Kombîyayîşî de xebatê ke 2 serran de ameyê kerdiş, muxtaran reyde ameyê parekerdiş. Hemşaredaran dîyar kerd ke şaredarî rixmê heme zehmetîyanê ekonomîk zî goreyê heme lazimtîyanê şaristanî cehd kenê ke hîna baş xizmet bikerê û înan îmkanê butçeyî bi nêzdîbîyayîşêko pêroyî û edîlane plan kerdo. .
Muxtaran zî kombîyayîşî de problem, lazimî, waştiş û pêşnîyazê xo raşteraşt resnayê hemşaredaran û waştişê têkîlîya domdar û kombîyayîşê bi nê hawayî kerd.
