Platformê Sazgehanê Demokratîkan ê Colemêrgî, semedê serrgêra xoverdayîşê 14ê Temmuze yê Zindanê Amedî programêkê yadkerdişî viraşt û sînevîzyonêk mojna.
Platformê Sazgehanê Demokratîkan ê Colemêrgî, bi munasebetê xoverdayîşo ke pêşenganê Têgêrayîşê Azadîye Zindanê Amedî de mojnabi, programêkê yadkerdişî viraşt û sînevîzyonêk mojna. Program awanîya DEM Partî ya Colemêrgî de ame viraştiş û zaf kesî tewrê ci bîyî. Program seba pêro kesanê ke cuya xo vîndî kerda, bi deqîqeyêk rêzgirewtişî dest pêkerd.
Temsîlkarê MEBYA-DER’î Hamdî Taşkinî dimayê rêzgirewtişî qisey kerd û dîyar kerd ke bi saya nê kesanê ke Zindanê Amedî de cuya xo vîndî kerda, no têgêrayîş heta ewro ameyo û wina vat: “Nika encamê xoverdayîşê înan de pêro dinya kurdan nas kena û estbîyayîşê kurdan zana. Înan miletêk çinbîyayîşî ra ard estbîyayîşî û nika dewleta tirkan zî kurdan reyde dayo dest pêkerdene. Nê pêro bi saya nê şehîdan o. Ganî ma zî goreyê mîrasê înan têbigêrî û wayîr bivejî.”
Dimayê qiseykerdişî, sînevîzyono ke derheqê xoverdayîşê 14ê Temmuze de yo ame temaşekerdiş û programê yadkerdişî bi sloganan qedîya.
