Dorûverê dewa Korta Xanê ya Şirnexî de cerdevanan dest bi birnayîşê daran kerd. Mudirîyetê Daristanan û Walîtîya Şirnexî îdia kerd ke haya înan birnayîşê daran ra çin a.
Bi serran o Herêma Besta de bi destûrê Walîtiya Şirnexî û bi destê cerdevanan daristanî yenê birnayene. Ewro zî xeylê cerdevanê dewa Kenya ke girêdayeyê Qeymeqamê Şirnexî yê, bi traktoran şîyê dorûverê dewa Korta Xanê ke kewena mîyanê herêma besta û dest bi birnayîşê daran kerd.
Darî yenê birnayîş, rayedarê Şirnexî hewn de yê!
Mudirîyetê Karanê Zîretî û Daristanan ke bi serran o îhaleyê birnayîşê daran dano cerdevanan, dîyar kerd ke xebera înan birnayîşê daran ra çin a. Heto bîn ra Walîyê Şirnexî ke bi serwerîya xo ya Şirnexî pesnê xo dano, tay çimeyanê bawer ra vato ke haya înan ney ra çin a.
