Zîndanê Kobanê de, ewro şefeqê sibayî de şewat vejîya, tayê girewteyan cuya xo vîndî kerde û bi desan kesî zî dumanê adirî ra sewqê nêweşxaneyan ameyî kerdene.
Heta nika sebebê vejîyayîşê şewatî dîyar nîyo. Zîndanê Kobanê de şewat vejîya, hûmarêk girewteyî cuya xo ra bîyî. Şefeqê şewdirî de zindanê şaristanê Kobanî de şewat vejîya, goreyê agahîyanê verênan ra tayê girewteyî cuya xo ra bîyî û dumanê şewatî ra bi desan girewteyan zerar dîyo. Heta nika sebebê vejîyayîşê şewatî dîyar nêbîyo. Goreyê ajansê xeberan ê ANHA’yî ra şewat dewrê saete 02:00î de vejîyayo, zîndan de hûmarêk girewteyî est ê, tayê girewteyî cuya xo ra bîyî, tayê girewteyî zî dumanê şewatî ra sewqê nêweşxaneyî ameyê kerdene.
Sebebê şewatî heta nika dîyar nêbîyo, goreyê çimeyanê herêmî ra rayedaran waşto ke girewteyan sewqê Helebî bikerê la girewteyan vera nê qerarî îtîraz kerdo û vato ke do Heleb de raştê îşkence û muameleyanê xiraban bêrê û çalakî viraşta.
Ame zanayene ke berpirsîyarê eleqedarî hedîse ser o cipersîyayîş kenê.
