Badê ke Serekê TBB’yî û Şaredarê Mersînî Vahap Seçer ame tepîştene û wezîfe ra ame dûrîkerdene, seba dîyarkerdişê serekîya TBB’yî weçînayîşo newe ame kerdene. Weçînayîşî de namzeda Yenî Partî Şaredara Eskîşehîrî Ayşe Unluce bîye Wekîla Serekîya TBB’yî.
Yewîya Şaredarîyan a Tirkîya (TBB) badê tepiştişê Serekê TBB’yî û Şaredarê Mersînî Vahap Seçerî seba dîyarkerdişê serekîya newîye vizêrî bi rojeva weçînayîşî kom bîye. Weçînayîş awanîya TBB’yî de ke qezaya Çankayaya Ankara de ya, ame kerdene; Şaredara Eskîşehîrî ya Yenî Partî Ayşe Unluce û Şaredarê Kocaelî yê AKP’yî Tahîr Buyukakin bîyî namzed.
Weçînayîşî de bi pêroyî 864 delegeyan ray da û weçînayîş çar doran de qedîya. Delegeyanê CHP û DEM Partî piştî daye namzeda Yenî Partî. Dora çarine de Ayşe Unluce 417 rayî û Tahîr Buyukakinî 369 rayî girewtî. Bi nê encamî Ayşe Unluce bîye Wekîla Serekî ya TBB’yî.
