JINNEWSî raporê xo yê derheqê şîdetî yê aşma tebaxe eşkera kerd. Goreyê raporî aşmêke de tewr tay 22 cinîyî û 3 domanî ameyî qetilkerdene, 19 cinîyan û 7 domanan zî bi hewayêkê şikdarî dinyaya xo bedilnaye.
Goreyê doneyanê raporî heşt cinîyî hetê camêrdanê ke tede zewijnaye bî, di cinîyî hetê camêrdanê ke merhaleya veradayîşî de bî, di cinîyî hetê camêrdanê ke verî pîya bî, cinîyêk zî hetê camêrdê ke pîya bi, cinîyêke zî hetê camerdêkî veradabi ameyî qetilkerdene.
Reyna di cinîyî hetê lajanê xo ra, cinîyêke hetê babîyê xora, cinîyêke hetê vistewreyê xo ra û cinîyêke zî hetê camêrdêkê xerîbî ra ameyî kiştene. Mergê hîrê cinîyan de tekîlîya kiştox û cinîyan nêameye tesbîtkerdene.
Goreyê donayenê JINNEWSî bajar û waqayê ke cinîyî ameyî qetilkerdene wina yê.
İstanbul: 4
Mêrdîn: 3
Amed: 2
Bursa: 2
Adana: 1
Ankara: 1
Antalya: 1
Êlih: 1
Kayseri: 1
Kutahya: 1
Manisa: 1
Mereş: 1
Mugla: 1
Riha: 1
