Stenbol de bi pêşengîya MEBYA-DERî qezayanê Baxcilar û Sancaktepe de programê yadkerdişî ameyê viraştene.
Bi rayberîya MEBYA-DERî ya Stenbolî, seba cangorîyanê Têkoşînê Azadîya Kurdîstanî yê ke tarîxanê ciyayan de cuya xo ra bîyî, qezaya Bagcilar û Sancaktepe de programê yadkerdişî de ameyê vîrardene. Keyeyê şehîdan, Dayîkan Aştî, aktîvîstî TJA’yî parlamenterê DEM Partî, endam ûrayberê partîyanê sîyasî, temsîlkarê sazgehanê sîvîlan û xeylê welatijî tewrê programê yadkerdişî bîyî.
Programê vîrardişî awanîyanê DEM Partî yê Bagcilar û Sancaktepe ameyê viraştene. Salona vîrardişî de masayan ser fotografê cangorîyan û Rayberê Şarê Kurdî Abdullah Ocalanî gulî ameye ronayene. Ardil Çeşme ya ke badê 31 serran zindan ra vejîya bî, Sekreterîya Îmralîyî ra Veysî Aktaş û Hemserekê Pêroyî yê DBP’yî Keskîn Bayindir, têkoşînê cangorîyan ser qisey kerd û sozê şopnayîşê rayîrê şehîdan dayê.
Badê qiseykerdişan şaro ke tewrê programî bîbî yew bi yew serweşîye da keyeyanê şehîdan û programê vîrardişî qedîya.
