Munaqeşeyanê Peymana Mekke Komîsyonê Têkilîyanê Teberî yê Meclîsî de dest pêkerd.
Munaqeşeyanê pêşnîyazê qanûnî yê Peymana Mekke ke 7ê tebaxe de mabênê Tirkîya, Erebîstana Seûdî û Pakîstanî de ameybî îmzakerdene, Komîsyonê Têkilîyanê Teberî yê Meclîsî de dest pêkerd. Serekê Komîsyonê Têkilîyanê Teberî û parlamenterê AKP’yî Fuat Oktayî kombîyayîş rayra berd. Endamê komîsyonî yê partîyanê sîyasîyan beşdarê kombîyayîşî bîyî. Komîsyon de AKP’yî ra 13, CHP’yî ra 6, DEM Partî ra 3, MHP’yî ra 2, ÎYÎ Partî ra 2 û Grûba Yenî Yol ra 1 endamî ca gênê.
Pêşnîyazê qanûnî ke hetê AKP’yî ra ameyo amadekerdene, 9 maddeyan ra yeno pê. Kombîyayîş de do 16 maddeyê peymanî bêrê munaqeşakerdene ke do mabênê her hîrê dewletan de îttîfaqêk awan bikerê. Eke pêşnîyazê qanûnî bêro qebulkerdene do Heyetê Pêroyî yê Meclîsî rê bêro şawitene.
