Koordînasyonê Dezgehanê Demokratîkan seba ke 3ê êlule de Amed, Îzmîr û Manîsa de 15 kesî ameyî destbendkerdene, nêrazîbîyayîş nîşan da û waşt wa tezayî û vîrameyîşî hînî mebê sebebê cipersayîş û destbendkerdişan.
Koordînasyonê Dezgehanê Demokratîkan seba ke 3ê êlule de Amed, Îzmîr û Manîsa de 15 kesî ameyî destbendkerdene, nêrazîbîyayîş mojna. Koordînasyonî vat destbendkerdişî çarçewaya tezayî û vîrameyîşan de yê ke tede şîdet çîno, ameyî kerden û waşt wa hemwelatîyî cade serbest bêrê veradayene.
Koordînasyonî îfade kerd ke tezayî û vîrameyîşî berpirsîyarîya komelkî û kulturî ya û vat, “Tewrbîyayîşê cenaza û vîrameyîşan bêno sebabê ceza û cipersayîşan, no warê azadîye teng keno. Koordînasyonî ard ziwan ke krîmînalîzekerdişê şîn û vîrê komelê kurdan, zirar dano haştîya komelkî û vat, “Haştîye bi esterişê vîrî nêbena. Wa çew dejê dayîkêke verê dejê dayîkêka binê de mekero.
