Kobanî de netîceya çalakîya veşnayîşê zîndanî de 9 ciwanan cuya xo vîndî kerde û 17 kesî zî birîndar bîyî.
Şaristanê Kobanî yê Rojawayê Kurdîstanî de şewa vîyarte badê protestoyanê seba qetilkerdişê Endamê Tugaya Hesekê Sîpan Hiznî, hêzê leşkerî yê girêdayeyê Hukmatê Demkî yê Sûrîya kewtî mîyanê şaristanî û 83 hemwelatî destbend kerdî. Wexto ke hêzê girêdayeyê hukmatî waşt kesê destbendkerdeyan berê şaristanê Helebî, hemwelatîyê ke ameybî destbendkerdene zîndan de dest bi çalakîye kerd.
Ciwanê ke ameybî destbendkerdene seba ke înan nêberê şaristanê Helebî Zîndanê Kobanî de şewat vet û netîceya vetişê şewatî de 9 ciwanan cuya xo vîndî kerde û 17 hemwelatîyî zî birîndar bîyî.
Ciwanê ke cuya xo vîndî kerda nika Morgê Nexweşxaneyê Kobanî de yenê girewtene, sewbîna ciwanê ke birîndar bîyê zî Nexweşxaneyê Kobanê de yenê dermankerdene.
