Çarçewaya tehqîqatê vera Komeleya AHBAP’yî de, serekê komeleye Halûk Levent zî tede 14 kesî ameyî girewtene.
Serdozgerîya Komare ya Stenbolî derheqê Komeleya AHBAP’yî de tehqîqatêk dabî destpêkerdene. Çarçewaya tehqîqatî de hunermend û Serekê komeleya AHBAP’yî Haluk Levent 12ê temmuze de Bursa de amebî destbendkerdene. Derheqê Haluk Leventî de sûcdarkerdişê sey ‘muxalefetê vera qanûnê komeleyan’, ‘destvistişê pereyanê neqanûnî’ û ‘endamîya rêxistine’ estê. Pêro pîya 42 kesî çarçewaya tehqîqatê ke derheqê AHBAP’yî de dabî destpêkerdene de, ameyî destbendkerdene. Goreyê agahîyan, Haluk Leventî mabênê serranê 2020 û 2026î de 990 milyon TL bahîs kay kerdo û bahîs de 390 milyon TL vîndî kerdo û hesabê AHBAP’yî ra 120 milyon TL erşawito asîstana xo rê.
25 kesê ke karûbarê îfadeyê înan qedîyabî, sewqê edlîyeyî amebî kerdene. 15 kesan ra Haluk Levent zî tede 14 kesî ameyî girewtene, 11 kesî zî pê qerarê kontrolê edlî ameyî veradayene. Karûbarê îfadeyê 17 kesan hema dewam keno. Nameyê kesê ke ameyî girewtene nê yê: Haluk Levent, Ece Guner, İlker Çetin, Nurdan Eriş, Yusuf Can Ertit, Kemal Otunç, Şehmuz Baştug, Abdulcevat Ozkan, Emrah Godelîner, Erhan Dokmeci, Halil Bostancı, Mehmet Ulu, Yeliz Kaya û Zafer Yay.
