ÇEWLÎG – Çewlîg merkez, Kanîreş û Çêrme de tazîyeyê ke seba têkoşînê azadîye de weşîya xo kerda vîndî ameyî ronayene, bi zîyaretanê girdan dewam kenê.
Çewlîg merkez û dewanê ey de seba kesênê ke têkoşînê azadîye de heyeto xo vindî kerdî tazîyeyî ameyî ronayene. Tazîyeyî bi zîyaretanê girdan dewam kenê. Çêrme (Yedisu) de dewa Armelî rê bi ser o mezrayê Gazî de seba Azîme Delîl (Yasemin Goze) ya ke amey eşkera kerdene ke serra 2018î de şehîd bîya, tazîye amê ronayene. Parlamenterê DEM Partî yê Çewlîgî Omer Faruk Hulaku, Parlamentera Dersîmî Ayten Kordu, rêxistinê qeza û bajaran ê DBP û DEM Partî û zaf welatîyî tewrê ci bîyî. Zîyaretan ra dima, eynî dewe de mezela Aslan Goze yo ke serranê verênan de têkoşînê azadîye de şehîd bîyo ameyê ziyaret kerdene.
Kanîreş
Tazîya ke Kanîreşî (Karlıova) de dewa Çewlîga Şeman de seba Piling Elî Varto (Mustafa Aksoy) amebî ronayene, ewro zî dewam kerd. Ewro zî zaf kesê qeza, bajar, dewanê dormeyan û dewanê durîyan ameyî beştarê tazayîye bîyî û yew sînevîzyon zî ame mojnayene. Cayê mojnayîşî de zî sloganê “Şehîd namirîn” û “Bijî Serok Apo” ameyî eştenê.
Çewlîg Merkez
Çewlîg merkez de zî seba Mehmet Hayrî Çapakçur (Hakan Açan) bananê Partîya DEMî de tazîyeya ke amebî ronayene, rojê peyêne de zî bi zîyaretanê girseyan dewam kerd. Roja verêne ra heta na roje sînevîzyonê şehîdanê azadîye zî ame nîşandayene. Mojnayîşan de sloganê “Şehîd namirin” ameyî eştene.
