Kitabê bi nameyê “Bîra Stranan” ke hetê Bermal Çem ra amade bîyo, weşanxaneyê Meymanî ra vejîya. No berhem, hîkaye û têkoşînê 25 hunermendanê ke têkoşînê azadî û demokrasî de cuya xo ra bîyî, behsê înan keno.
Kitabo ke hetê Bermal Çem ra 2 serran de amade bîyo, weşanxaneyê Meymanî ra vejîya. Kitab de behsê cuye û têkoşînê 25 hunermendanê ke têkoşînê azadî û demokrasî de ca girewtê û cuya xo vîndî kerda, beno. Sewbîna nê berhemî de 111 deyîrî bi nota û vateyanê xo ca gênî.
Cuye û hunerê 25 hunermendanê bêmergan
Alî Dogan Yildirimî ra heta Hozan Mizgîne, Hozan Sefkanî ra heta Argeş û Berçeme, no kitab vîrê huner, xoverdayîş û tarîxê têkoşînê hunermendanê ke têkoşînê azadî de cuya xo ra bîyî, behsê înan keno. Nameyê berhemî nê taybetmendîyê xo ra sey “Bîra Stranan” amade kerd. Xebata kitabê bi şiklekê kolektîf, neticeyê xebatêka di serran de amade bîyo.
Vîrê hunermendanê bêmergan
Kitab de behsê cuya û têkoşînê 25 hunermendanê ke têkoşînê azadî de sey hunermend û sey aktîvîst ca girewtê, beno. Nameyê hunermendanê ke kitabe de ca gênê wina yê: “Alî Dogan Yildirim, Hozan Sefkan, Hozan Mizgîn, Alî Temel, Hozan Berçem, Naîf Haco, Viyan Peyman, Delîl Dogan, Hozan Çiya, Evdilmelîk Şêxbekir, Sîpan Efrîn, Şîlan Garzan, Hozan Serhat, Argeş Norşîn, Nûcan Nûrhaq, Hogir Pêt, Aram Akyuz, Zanîn Rûbar, Îbrahîm Sari, Şoreş Arjîn, Hêvî Gafûr, Kamûran Penaber, Hogir Hesekê, Agir Serhildan û Vedat Erdemcî.”
Nuşteyê 28 kesan ser o ame zêdekerdene
28 hunermend û nuştoxê ke hunermendanê cuya xo bîyî reyde kar kerdo, yewbînî nas kerdo, nuşteyê xo erşawitê. Bermal Çem 2 serrî xebata kitabî kerda. Kesê ke seba kitabî nuşteyê xo erşawitê nê yê: “Alî Riza Yildirim, Xemgîn Bîrhat, Xelîl Xemgîn, Faysal Temel, Celal Ekîn, Delîl Mîrsaz, Cîwan Haco, Gulcan Derelî, Ahmet Aktaş, Peyman Vîyan, Erkan Gulbahçe, Muharem Aral, Hozan Zozan, Koma Amed, Emîn Engîzek, Kurdê Tavya, Amed Dîcle, Zana Yaktin, Gulistan Çîya Îke, Yaşar Aslan, Bermal Çem, Seyda Perînçek, Koma Amara, Ozlem Yaşar, Rêşad Sorgul, Bengî Agîrî, Siwarê Şaho, Xwezan Harûn.”
Vervate Hozan Comerdî nuşt
Vervatena berhemî Hozan Comerdî ke pîyê 2 şervananê ke têkoşînê azadî de cuya xo ra xo bîyî, nuşt. Bermal Çeme qapaxê peyên yê kitabî de wina nuşto: “… Kitabê Vîrê Deyîran xebatêka deyîranê canfedayan a.Vate û notayê deyîran û biyografîya cangorîyan gêna zereyê xo. Ê raywanê bextewerî seba ma yew cuyêka bêmîsale û zaf berhemê qîmetdarî verdayê.
Her berhem de û cuya şehîdan de ma rastîya tarîxê hezar serran vînenî. Coka no berhemê tarîxî têkoşînê ma yo. Kitabê, deyîr û hîkayeyê zafê qehremanan gêno zereyê xo. Ê hîkayeyê ke canê asmênî lerznenê. Û berhême ke canfedayan bi xo nuştê û awazê ci viraştê. …” Bîra Stranan tena kitabêk nîyo, eynî wext de tarîxê têkoşînê azadî û demokrasî ya hunerê azadî ra yew qevdegula. Her deyîr, her vate hem hîsê zerrîya hunermendan qisey kenê hem zî şahîdîya tarîx û hunerî kenê.
Kitab, Weşanxaneyê Meymanî de, Med Kultur û Hunerê Mizgîne de eşkena bêro peydakerdene.
