Amed de Sempozyumê Aborîya Sîyaset û Rayberîye yo Mîyanneteweyî de ame vatene ke Prosesê Aştî û Komelê Demokratîkî seba averşîyayîşê xeylê muhîm o.
Amed de bi pêşengîya Odaya Bazirganî û Meslekî yê Amedî, Unîversîteya Dîcle, Borsaya Bazirganî ya Amedî, Herêma Organîze ya Meslekî ya Amedî, DOGUNSIFED û Rojnameyê Aborî Sempozyumê Aborîya Sîyaset û Rayberîye yo Mîyanneteweyî DTSO de dest pêkerd. Tewrê Mamosteyanê unîversîte; cigêrayox, karsazan xeylê kesî beşdarê sempozyumî bîyê.
Serekê DTSO’yî Mehmet Kaya sempozyumî de qisey kerd û wina vat: “Ganî Tirkîya polîtîkayanê xo yê ewleyî aborî û bazirganîya teberî rayra bero. No proseso ke dewam kenoo, tena seba aştîya komelî nê, seba averşîyayîşê aborî zî zaf muhîm o.”
Dimayê qiseykerdişan sempozyum bi roniştişê bi nameyê “Karsazî de Bedilîyayîşo Dîjîtal û Huqûqî: Ewropa û Tirkîya” dewam keno.
