Şaîro namdar Ahmet Tellî ke demeko derg o semedê problemanê weşîye ra ameyni dermankerdene no 2 rojîyo ke ameyo entubekerdene. Rewşa weşîya ey binê tehlukeyî de ya.
Federasyonê Şorişgêranê 78î û Komeleya Zanist û Edebîyatî 8ê temmuze de bi eşkerayîyêka hempare eşkera kerd ke şaîro namdar Ahmet Tellî (79) yo ke demeko derg o semedê problemanê weşîye ra ameyni dermankerdene, ameyo entubekerdiş. Rewşa weşîya Ahmet Tellî binê tehlukeyî de ya. Xeylî sîyasetmedar, roşnvîr, hunermend û heskerdoxê Ahmet Tellî medyaya dîjîtale ser o xemgînîyê xo îfade kenê û ey rê şîfa wazenê.
Derheqê rewşa peyên ê şaîr Ahmet Tellî de hetanî nika agahîyêka newe nêmaya parekerdiş.
