Welatiyên ku serdana şîna cangoriyên Tevgera Azadiyê a Kurd a Amedê destnîşan kirin ku cangoriyên azadiyê ne tenê yên malbatan, lê nirxên hevpar ên tevahiya gelê Kurd in û gotin: “Avakirina siberojeke birûmet û azad denekî li ser milê me ye.”
Şîna ji bo cangoriyên Tevgera Azadiyê yên Amedê hatiye danîn, di roja sêyemîn de li Parka Koşuyolu ya navçeya Rezan a Amedê bi serdanên girseyî berdewam dike. Welatiyên ji her temenî serdana şînê kirine diyar kirin ku nasname, hebûn û rûmeta wan bi saya têkoşîna cangoriyan hatiye parastin.
Kesên serdana şînê kirine diyar kirin ku armanca hatina wan, xwedîderketina li nirx û cangoriyan e û wiha gotin: “Şehîd ne tenê yên malbata xwe ne, şehîdên me hemûyan in. Wan ciwantiya xwe dan, jiyana xwe qurban kirin da ku em li ser vê xakê bi serbilindî bijîn. Em wan tu carî ji bîr nakin; em bi keda wan serbilindin. Ew rûmeta me ne. Heger îro em li cîhanê tên nasîn, bi xêra xwîn û têkoşîna wan e. Pêwîst e tevahiya Amedê û gelê Kurd li her derê li vê îradeyê û li serokatiya xwe xwedî derkeve. Şehîd ji bo me mirin nîn in; ew sembola jiyaneke azad in. Heta ku Kurdistaneke azad hebe, ev ked nayê jibîrkirin. Avakirina siberojeke birûmet û azad deynekî li ser milê me ye.”
