DEM Partîye hesabê xo yê X de, derheqê destbendkerdişê avûkatanê endamanê Komeleya Huqûqnasanê Hemdemî (ÇHD), sîyasetmedaranê kurdan û tayînkerdişê qeyîmî Sozcu TV’yî ser o tepkî mojna û waşt ke zextê vera demokrasîye bêrê qedênayene.
DEM Partîye hesabê xo yê X de derheqê destbendkerdişê avûkatanê endamanê Komeleya Huqûqnasanê Hemdemî (ÇHD), sîyasetmedaranê kurdan û tayînkerdişê qeyîmî Sozcu TV’yî de eşkerayîyêk daye. Eşkerayî de ame vatene:
“Operasyonê ke merkezê ci Amed o de, gelek sîyasetmedarê kurdan, ke mîyanê înan de Serekê PSK’yî Bayram Bozyel zî est o, ameyî destbendkerdene.
Operasyonê ke çend bajaran de ameyî organîzekerdene de, avûkatê ke endamê ÇHD’yî yê zî ameyî destbendkerdene. Her wiha, ewro sibe de sereştişê Sozcu TV’yî de rêveberê ci ameyî destbendkerdene û dewlete kanalî ser ro qeyîm ame tayînkerdene.
Azadîya çapemenîye, sîyasetê demokratîkî û heqê rêxistinbîyayîşî, hêmanê bingeyîn û nêcîyabîyayox ê komelêka demokratîke yê. Ganî nê kerdişanê zordaran, ke sîyaset, çapemenî û civaka sivîlî hedef gênê û zerar danê demokrasîye, bêrê qedênayene.
Sey pawitoxanê demokrasîye, zafhetbîyayîşî û azadîyan, ma nê kerdişanê antî-demokratîkanê vera sîyasetmedaran, huqûqnasan û çapemenîye, red kenê.”








