Amed – Amed de seba vîrameyîşê 16 cinîyanê ke serra 2026î de ameyî qetlkerdene, Parka Haştîye de fîdanî ameyî ronayene.
Meclîsê Cinîyan ê Şaredarîya Amedî ya Şaristanê Girdî û Serekîya Daîreya Polîtîkayanê Cinîyan, 25ê teşrîna peyêne, Roja Mîyanneteweyî ya Têkoşîna Vera Şîdetê Cinîyan de, bi sloganê “Bi têkoşînê rêxistinbîyayî ya vera şîdetî nika wextê cinîyan o”, seba vîrameyîşê 16 cinîyanê ke serra 2026î de Amed de ameyî qetlkerdene, Parka Haştîye ya Seyrantepeyî de fîdanî ramitî.
Çalakî de Hemşaredara Şaredarîya Amedî ya Şaristanê Girdî Serra Bucak qisey kerd. Bucake yad kerd ke serra vîyarte de zî seba cinîyanê ke ameyî qetlkerdene fîdan ramitî û vat ke heta ke şîdetê vera cinîyan nêqedîyo, ê têkoşînê xo dewam kenê.










