Mintiqayanê mîyanênan ê Japonya de erdlerzê bi girdîya 5,7 de tewr tayî 24 kesî birîndar bîyî. Erdlerzî zerar da mintiqayanê Shizuoka û Aichi.
Goreyê Ajansê Meteorolojî yê Japonya, erdlerz yewşeme bi saeta mehelî 01.04 de rojawanê eyaletê Shizuoka de, 40 kîlometreyî bin erdî de ame meydan. Erdlerzî ke 200 kîlometreyî rojawanê Tokyo de bî, mintiqayê dorûverî zî lerznayî.
Rojnameya mehelî Chunichi Shimbun û Tokai TV da zanayîş ke eyaletanê Shizuoka û Aichi de tewr tayî 24 kesî birîndar bîyî. Îdareyê Shizuokayî dîyar kerd ke kesê ke birîndar bîyî, mîyan înan de cinîyêka 90 serre zî est a.
Japonya cayêk de ya ke çar plakayê tektonîkî yê girdî uca resenê pê. Seranserê dinya de serra 18ê erdlerzî Japonya de benê. 11ê adare ya 2011î de welat de erdlerzêko bi girdîya 9 bîbi û dima felaketê tsunamî ameybi meydan. Netîceyê ci de 18 hezar û 500 kesan cuya xo vîndî kerdibî û Santralê Nukleerî yê Fukuşîma de felaketêk ameybi meydan.
