Parlamentoyê Herêma Kurdîstanî 2 serre û 15 rojan ra pey amê pêser û Serekê Parlamentoyê Herêma Kurdistanî ame weçînayene.
Parlamentoyê Herêma Kurdîstanî, nakokîyanê mîyanê partîyanê sîyasîyan ra, tevî ke weçînayîşî ra 2 serrî û 15 roje vîyartî bî, komnêbîyêne. 2 serran ra pey ewro parlamento pêser ame û Vala Ferîd sey Serekê Parlamentoyê Herêma Kurdîstanî ame weçînayene.
Muna Qehweçî zî bî Sekretera Parlamentoyê Herêma Kurdistanî û Ramî Nûrî zî weke Cîgirê Serekê Parlamentoyî ame weçînayene. Naye reyde Heyetê Serekîya Parlamentoyê Herêma Kurdistanî ame awankerdene.
‘Kombîyayîşê parlamentoyî ame boykotkerdene’
Heto bîn ra, seba ke verê nika kifşkerdişê wezîran ser o pêkerdişêk pêk nêameyo, parlamenteranê YNKî, Nifşê Nû, Komela Dadgerîye û partîyanê bînan rûniştişê ewroyî boykot kerd.
