PENa Kurd Amed de bi nameyê “Prosesanê pêroniştiş, pêkerdiş, aştî û seypêyî de rolê edebîyat, ziwan û roşnvîrîye” Konferansê Edebîyat û Aştîye organîze keno.
PENa Kurd 6ê teşrîna peyêne de bi beşdarîya zaf roşnvîr, nuştox, şaîr û sîyasetmedaran Amed de Konferansê Edebîyat û Aştîye organîze keno. Konferansî de do zaf babetan ser o munaqeşe bêro kerdene û konferans do 2 rojî dewam bikero.
Roja verêne ya konferansî de roniştişa 1. bi babeta “Ziwan, Edebîyat û Heqê Gerdûnîyî Prosesanê Aştîye de” dest pêkena û qiseykerdoxê roniştişe nê yê: Moderatore Dîba Keskîn (nuştoxe), Burhan Sonmez (Serekê Pêroyî yê PENa Mîyanneteweyî – London), Dr. Bêrîvan Doskî (Sereka Rûmetî ya Merkezê PENa Kurd – Silêmanî), Weysî Aktaş (sîyasetmedar – Amed), German Rojas (Serekê Komîteya Nuştoxan a Seba Aştîye ya PENa Mîyanneteweyî – Santiago/Şîlî).
‘Ameyoxê seypêyî û heqê merdiman do bêrê qiseykerdene’
Roniştişa 2. bi babeta “Rolê Warê Mîyanneteweyî, Ameyoxê Seypêyî û Heqê Merdiman” û bi beşdarîya moderator Zana Farqînî (ziwannas), Carles Torner (Wekîlê Serekê PENa Mîyanneteweyî – Katalonya), Tanja Tuma (Hetkara Serekê PENa Mîyanneteweyî – Slovenya), Mueyed Teyîb (şaîr – Hewlêr) û Şadîye Manape (nuştoxe – Amed) dewam kena.
Roja 1. ya konferansî bi roniştişa 3. ya bi babeta “Hewanayîşê Tesîrê Şer û Gerginîye yê Serê Ziwan û Azadîya Xoîfadekerdişî” û bi beşdarîya moderatore Mîna Acere (nuştoxe), Urtzî Urrutîkoetxea (Serekê Verên ê Komîteya Heqê Ziwan û Açarnayîşî ya PENa Mîyanneteweyî – Bask), Dr. Dilawer Zeraq (akademîsyen-nuştox – Amed) û Fîlîz Yildirime (akademîsyene – Cambridge) qedîyena.
‘Seba aştîyêka birûmete eşkerayî’
Roja dîyine ya Konferansê Edebîyat û Aştîye de beşdarê konferansî do cayanê tarîxîyan ê Amedî ra bigêrê û Komela Edebîyatkaranê Kurdan, Yewîya Weşanxaneyanê Kurdan (YEW-KURD), Enstîtuyê Kurdî yê Amedî, MED-DER, Komela Rojnamegeran a Dîcle-Firatî (DFG) û Komela Rojnamegeranê Cinîyan a Mezopotamya (MKG) zîyaret bikerê.
Konferans do bi eşkerayîya hempare ya bi nameyê beşdaran, bi vengdayîşê seba aştîyêka birûmete, seypêyîya ziwanê kurdkî, verdayîşê hepsîyanê sîyasîyan û rojnamegeran û averberdişê kulturê demokrasî biqedîyo.
