Şaredarîya Peyasî, bi amancê ke keda cinîyan bimojna, berhemdayîşî teşwîq bikera û piştîpêdayîşê cinîyan xurt bikera, 3yin Parekerdişê Keda Cinîyan ê Kulturî yê Peyasî organîze kena.
Şaredarîya Peyasî, bi amancê ke keda cinîyan teşwîq bikera û piştîpêdayîşê cinîyan xurt bikera, 3yin Parekerdişê Keda Cinîyan ê Kulturî yê Peyasî, ke 3 rojî dewam keno, organîze kena. Nê çalakî, bi pêşengîya Mudirîya Polîtîkayanê Cinîyan ya Şaredarîya Peyasî, Parka 75an de, mîyanê 24 û 26ê teşrîna verêne de yeno organîzekerdene. Nê çalakîyanê 3 rojî de, berhemê ke bi keda destê cinîyanê ke kursanê bêpere yê şaredarîye de beşdar bîyî ame amadekerdene, do bêro mojnayene û seba rotişî bêro pêşkêşkerdene. Cinî, berhemê ke bi piştîpêdayîşî viraştî, do mêmanan rê pêşkêş bikerê.
Parekerdişê Keda Cinîyan ê Kulturî de, standê rotişî yê cil û bergan, berê tekstîlî yê bi dest viraştî, çente, punc, berhemê xwezayî yê dewan, tirşî, rîçal, konserve, dermanê xwezayî, berhemê boyeweş û werdê keyeyî do bêro ronayene.
