Karwanê şeşine yê koçberanê dewanê Serêkanî, Til Temirî û Zirganî amadekarîyanê peyênan kenê. Karwan de 640î ra zêdeyêr keyeyê ke Kampa Newrozî û Kampa Waşûkanî de mendêne, cayê xo gênê.
640î ra zêdeyêr keyeyê koçberanê Serêkanî ke Kampa Newrozî û Kampa Serêkanî de mendê, seba ke biresê welatê xo amedekarîya agêrayîşî kenê. Karwan ewro rayîr ra keweno.
Her di kamp keyeyê koçberanê Serêkanî, dewanê Til Temirî û Zirganî ra yê. Vizêrî (20ê teşrîna verêne) keyeyanê Kampa Newrozî yê bajarê Dêrikî, seba ke karwan de ca bigê, verê xo da Kampa Waşûkanî ya bajarê Hesekê.
Karwan de keyeyê dewanê Serêkanî, Til Temirî û Zirganî cayê xo gênê; nê karwanî de kesê ke bêrê zereyê şaristanê Serêkanî ca nêgênê.
