Polîsan ser eşt awanîya Halk TVyî ya Îstanbulî. Halk TVyî rê qayûm ame tayînkerdene û weşan ame vindarnayene.
Polîsan serê sibayî rew ser eşt awanîya Halk TVyî ya Îstanbulî. Halk TVyî rê qayûm ame tayînkerdene û weşanê televîzyonî ame vindarnayene. Wexto ke ekîbê polîsan awanî de cigêrayîşanê xo dewam kenê, rayîro ke kanal ser o yo, trafîkî rê ame girewtene û destûr nêyeno dayene ke xebatkarî dekewê awanî.
Bernamekarê Halk TVyî Deniz Bayramogluyî badê dekewtişê ekîbanê polîsan derheqê averşîyayîşanê peyênan de agahî da û vat: “Pêdîyayîşo ke Berpirsyarê Weşanê Pêroyî yê Halk TVyî Suat Toktaşî derheqê dewamkerdişê weşanî de serekê heyetê qayûman reyde kerd, bênetîce mend. Weşan ame vindarnayene.”
Serekê Heyetê Îdareyî yê Halk TVyî Cafer Mahirogluyî zî xebera sereştişî medyaya komelkî ra eşkera kerde û vat: “Lîderê butlanî Kiliçdaroglu û ekîbê ey eşkenê keyfweş bibê. Polîs Halk TV de yo.”
