Qamişlo – Heyetê Vakurê Kurdîstanî badê xeylî zîyaret û pêvînayîşan Şehîdgehê Delîl Saroxanî yê Qamişloyî zîyaret kerd û vileyî mezelanê şehîdan ser ronayî.
Heyet 7ê teşrîna verêne de Vakurê Kurdîstanî ra ameybî Rojava. Heyetî dezgehê sîyasî, rêxistinê cinîyan û rêxistinê komelkî, Walîyê Hesekê Nûreddîn Ehmed, Musteşarê Serekkomarîya Sûrîye Mazlum Ebdî û sîyasetmedara kurd Îlham Ehmede zîyaret kerdbî. Dima Şehîdgehê Şehîd Delîl Saroxanî yê bajarê Qamişloyî zîyaret kerd.
Endam û rayberê Meclîsê Keyeyanê Şehîdan û Hemsereka TEV-DEM’î Remzîye Mihemede pêşwazîya heyetî kerd. Heyet şehîdgeh de gêra. Heyetî vileyî mezelanê şehîdan ser ronayî û keyeyî ke ameybî mezelanê domananê xo ser înan rê serweşî da.
Heyet nê kesan ra ameyo meydan: Hemşaredara Mardîn û Hemverfeka Komîteya Dîplomasî ya Îdareyanê Herêmkîyan Devrîm Demîre, Hemşaredara qezaya Yenîşehîr ya Amedî Safîya Aladage, Hemşaredara qezaya Farqîn ya Amedî Sevîm Bîçîcî, Hemşaredara Tetwanî Belkîze Beştaş Epozdemîre û endama Komîteya Dîplomasî Ruken Demîre.
