Îzmîr – Dadgehê Cezaya Girane yê 1. yê Îzmîrî îtîrazê vera qerarê Dadgehê Înfazî red kerd. Bi no qayde veradayîşê tepîşteyê sîyasî Mehmet Saît Yildirimî reyna ame astengkerdene.
Mehmet Saît Yildirim Hepisxaneyê Tîpê F yê Hûmare 1 yê Kiriklarî yê Îzmîrî de yeno tepiştene. Mehmet Saît Yildirimî 27ê sibata 2025 de dewreyê xo yê înfazî yê 30 serran temam kerdbî zî veradayîşê ey hetê Heyetê Îdare û Çimdarîye ra ameybî taloqkerdene. Mehmet Saît Yildirimî tu cezaya dîsîplînî nêgirewta û qeydanê hepisxaneyî de ame dîyarkerdene ke goreyê qeydeyan hereket kerdo. La bi îdîaya “do têkilîya xo ya rêxistine reyde dewam bikero” nêameybî veradayene.
Dadgehê Înfazî yê 2. yê Îzmîrî 3yê êlula 2026 de seba Mehmet Saît Yildirimî qerar dabî. Naye ser o avûkata ey Fatma Demîrere 7ê êlula 2026 de bi waştişnameyêk vera qerarî îtîraz kerdbî û muracatê Dadgehê Cezaya Girane yê 1. kerdbî. Dadgehî dîyar kerd ke qerarê Dadgehê Înfazî de ‘goreyê usul û qanûnan tu xelet çin o’ û îtîraz red kerd.
