Wezîrê Pawitişî yê Îsraîlî Israel Katz eşkera kerd ke planê vetişê Filîstînijan Gazze ra hedre yo û seba caardena nê planî, ê nika paweyê tesdîqkerdena Serekê DYA’yî Donald Trumpî yê.
Rixmê reaksîyonanê astê mîyanneteweyîye de zî, Îsraîl polîtîkaya xo ya vengkerdişê Gazze de israr keno. Israel Katz konferansêk de, ke hetê rojnameya Yedioth Ahronoth ra ame viraştene, qiseykerd û wina vat: “Peynî de, seba Gazze tu çareserîyêka raştikên ê ke koçberî tede nêbo, çin o.”
‘Çareserîye vengkerdişê Gazze yo’
Katzî eşkerayîyanê xo de dîyar kerd ke hukmatê înan derheqê vetişê nufusê Gazze de, hem bi qerardar o hem zî hedrekarîyê temam kerdî. Katzî îfade kerd ke seba vengkerdişê Gazze, ganî Washîngton caardena planî tesdîq bikero û ê paweyê ke îdareya Trumpî seba dewletanê ke Filîstînijan bigêrê, çareyêk bivîno.
