Rêxistina DEM Partiyê ya Konyayê bi boneya 1ê Îlonê Roja Aştiyê ya Cîhanê daxuyanî da û diyar ki ku ji bo pêkanîna aştiyê divê şert û mercên Abdullah Ocalan werin başkirin.
Rêxistina DEM Partiyê ya Bajarê Konyayê, bi boneya 1ê Îlonê Roja Aştiyê ya Cîhanê li avahiya xwe daxuyanî da. Endam û nûnerên partiyê tev li daxuyaniyê bûn. Di daxuyaniyê de pankarta li ser “Ber bi civaka aştî û demokrasiyê ve” dinivîsî hat daliqandin.
Metna daxuyaniyê Hevserokê DEM Partiya Konyayê Mulla Şimşek xwend.
Mulla Şimşek diyar kir ku ew Roja Aştiyê ya Cîhanê bi avakirina aştiya bi rûmet ve pêşwazî dikin û wiha got:” Îro hêzên hegemon li ser cîhanê û ji herêm a me şêr ferz dikin. Şerê li navbera ABD/Îsraîl û Îranê û ser girtina Îsraîlê ya Fîlîstînê jî xuya dike ku hêzên hegemon dixwazin li hêremê şer bidome. Şerê ku hêzên hegemon dixwazin bimeşînin ji bo domandina pergela kapîtalîzm û emperyalîzmê ye. Di serî de bangawaziya birêz Ocalan a 27ê Sibatê ji bo Rojhilata Navîn û hêremê dibe çareseriyek mezin. Ev pêvajo şer ji holê radike û şûna şer û pevçûnan ji aştiyê re dimîne. Aştiyek mayînde heviyên mezin bi xwe re tîne. Em bi hev re tev li çalakiyên 1ê Îlonê bibin û li şûna şer aştiyek bi rûmet ava bikin. Divê ev zemîn mezin bibe. Divê astengiyên li ber siyaseta demokratîk bên rakirin. Divê şert û mercên birêz Ocalan bê sererastkirin. Divê hevrûbûna neheqiyên hatine kirin û êşên hatine kişandin bê kirin. Divê girtiyên siyasî bên berdan. Avakirina Komara Demokratîk li ser esasên wekheviya zayendî, civaka ekolojîk û demokrasiyê ji bo gelên bindest û civaka aştiyane destxistineke mezine.”
