Saziya Stîatîstîkê ya Turkiyeyê (TUIK) daneyên betaliyê yên meha Tîrmeha 2026an aşkere kirin. Li gorî daneyan, rêjeya betaliya fireh bi zêdebûna 1.8 puanan gihişt ji sedî 30.6an. Di heman mehê de jimara kesên xwedî kar jî 388 hezar kes kêm bû û ev yek wekî şikestinek di qada îstîhdamê de hate şîrovekirin.
Saziya Stîatîstîkê ya Turkiyeyê (TUIK) daneyên betaliyê yên meha Tîrmeha 2026an aşkere kirin. Li gorî encamên Lêkolîna Hêza Kar a Malbatê; jimara betalan a temenê wan 15 û jorî di meha Tîrmehê de li gorî meha borî 150 hezar kes zêde bû û gihişt 2 milyon û 860 hezar kesî. Rêjeya betaliya fermî jî bi zêdebûna 0.5 puanî bû ji sedî 8.1. Ev rêje di nav mêran de 6.8 û di nav jinan de jî 10.6 hate tomar kirin.
Ciwan betal in
Di daneyan de aliyê herî baldar zêdebûna betaliya ciwanan bû. Rêjeya betaliya di nav ciwanan de li gorî meha borî 1.5 puan zêde bû û derket 14.5an.
Di îstîhdamê de şikestin
Di qada îstîhdamê de jî şikestinek mezin hate dîtin. Jimara kesên ku dixebitin di meha Tîrmehê de 388 hezar kes kêm bû û daket 32 milyon û 362 hezar kesî. Rêjeya îstîhdamê jî bi giştî daket 48.3an. Heman rêje ji bo mêran ji sedî 65.5 û ji bo jinan tenê ji sedî 31.4 hate pênase kirin ku ev yek giraniya krîza aborî ya li ser jinan careke din raxist ber çavan.
Betaliya fireh bû ji sedî 30.6
Rêjeya hêza kar fireh ku ji betal, kesên kêmxebitî yên li gorî demê û hêza kar a potansiyel pêk tê, bi zêdebûna 1.8 puanan derkete ji sedî 30.6an. Her wiha rêjeya yekbûyî ya betal û kesên hêviya xwe ji peydakirina kar birîn wekî ji sedî 20.8 û rêjeya yekbûyî ya betal û hêza kar a potansiyel jî wekî ji sedî 19.5 hate tomarkirin.
