Girewteyanê Apoyîjan kesanê ke têkoşîna azadîye de cuya xo dest daya vîrardî û vat: “Serede ma Rayberî rê, şarê Kurdîstanî yê welatpawitoxî rê û keyeyê hêjayî yê şehîdanê ma rê serweşîye wazenê. Ma sozê xo yê zere û canî verê vîrardişê şehîdan newe kenîme.”
Girewteyanê Apoyîjan, seba kesê ke cîya cîya waxan de têkoşînê azadîyê yê Kurdîstanî de cuya xo daya mesaj ruşna. Mesajê Girewteyanê Apoyîjan serê nameyê girewte Denîz Kaya ame dayene.
Eşkerayîya girewteyanê Apoyîjan nê çî ameyî vatene: “Ma şehîdanê xo yê ke ewladê yewîn mêrxasê şarê ma yê û hetê Têgêrayîşê ma ra nameyê înan raya pêroyî ra ameyo eşkerakerdene, bi hurmet, hezkerdiş û bi minetkerdene yad kenîme û vera înan sereyê xo nanîme ro. Kotî beno bibo, ma sozê xo yê zere û canî yadkerdena înan de newe kenîme. Ma xeyalê înan ê awankerdena netewa demokratîk a Kurde nêmerde bikerê û bi serkewtene tac bikerê. Rastîya şarê Kurdî de şehîd mordemêko merde nîyo, hêzêko gandar yê cuya azade yo. Hêza ma ya sereke ya ke rastîya şarê Kurdê merdeyî binê betonê mezele ra vete arde serê lingan dê ramitene nê şehîdê ma yê. Şehîdanê ma yê ke cuya azade bi rengêko tewr rast ramite û dê ramitene yê. Kurdîstan de meqama heme mayî û pîyê ke gedeyê înan restê meqama şehîdbîyayene bêqusir a. Meqama şehadetî text o ke bi rengêko bêqusir bêro ramitene girewto xo dest. Vere rastîya şehîdan ke Kurdîstan de mordemoke xo deyndar nêvêno, nêeşkeno îdia bikero ke vajo ez rayêka raste û azade ramena.
Her çî ra ver ma Rêbertîye rê, şarê Kurdîstanî yê welatpawitoxî rê û keyeyanê hêjayan yê şehîdanê ma rê serweşîye wazenîme. Ma zî kur nê êşê keyeyanê xo yê hêjayan pare kenê. Ma sozê xo yê zere û canî na yadkerdena înan de newe kenê.”
