Vizêrî şewe ra heme xizmetê Bankaya Zîraatî xerepîyaybî û welatijê ke nê kartî şuxulnenê nêeşkayêne bankaya mobilî ser o karê xo bivînê û pere kaş bikerê. Banka dîyar kerd ke rîyê sebebanê teknîkî ra problem vejîyayo la problem ameyo çareserkerdiş û banka xizmetanê xo domnena.
Bankaya Zîraatê vizêrî şewe ra xizmetan rê girewte bîye. Welatijê ke kartê na banka şuxulnenê nêeşkayêne pere biancê, nêeşkayêne bi kart dayîş û girewtiş bikerê û ne zî bikewê bankaya mobîle. Karker, bazirgan û welatî semedê ke nêeşkenê kart bişuxulnê karê xo de mexdûr bîyê û nêeşkayê lazimtîyanê xo temîn bikerê.
Derheqê babete de banka eşkerayî daye û dîyar kerd ke rîyê sebebanê teknîkî ra problem vejîyayo la nika problem ameyo çareserkerdiş û banka xizmetanê xo domnena.
