AYDIN – Qezaya Çîne de, şewato ke herêma Koyê Madranî de vejîyabî hîrê roji yo ke dewam keno.
Qezaya Çîne ya Aydin de Taxa Kavşît ya herêma Koyê Madranî de, şewato ke 30ê temmuze de dest pêkerdbi, roja 3. de hema zî nêameyo hewnakerdiş. Tehlukeyê vilabîyayîşê şewatê ver, Taxa Kavşit, Mutaflar, Dûtlûolûk û Tatarmemîşler de heywanî ameyê tehlîyekerdene. Heywanî ke ameyê tehlîyekerdene, berdê bazarê hewyanan ê Çîne. Vilabîyayîşê şewatê ver, Taxa Kavşît de tayê keyeyanê zozanî zerar dîyê û şewatî ver qismêke Taxa Mutaflar û Taxa Dûtlûolûkî ame tehlîyekerdene.
BALIKESÎR
Sewbîna qezaya Sûsûrluk ya Balikesîr de, vizêrî şewato ke dest pêkerdo, dewam keno. Şewatî, mabenê 400 û 450 hektarî dayo xo ver.
Qezaya Gomeç ya ke girêdayeya Balikesîrî ya, Taxa Kumgedîkî de roja verêne saete 14:00î de şewat vejîya û bi tesîrî hewa ra vila bîyo, resayo sînoranê qezaya Ayvalik û qezaya Bergama ya Îzmîrî, la şewat ameyo tefnayene.
